Adherirse Máis información
ASINA: LEGALIZAR O INTERCAMBIO DE ARQUIVOS
QUE?
Iniciativa para legalizar o intercambio en redes dixitais, para uso persoal e sen ánimo de lucro, de arquivos de materiais protexidos por dereitos de autor/a.
QUEN?
Trátase dunha Iniciativa Cidadá Europea chamada “Freedom to Share”, formada por diversas organizacións. Calquera habitante de Europa pode participar.
COMO?
A través da sinatura da iniciativa cidadá europea na web da organización, tamén se necesita difusión da iniciativa, contribución para a organización da campaña a partir da subscrición nun formulario, axuda nas traducións ou doazóns de diñeiro.
ONDE?
É unha campaña de ámbito internacional europeo. A web https://freesharing.eu/ indica como facer para participar.
CANDO?
A campaña non ten un final estipulado, e comezou o 15 de Maio de 2020.
CANTO?
Até onde desexemos implicarnos na campaña (nos seus diferentes ámbitos) ou o que poidamos doar. Non hai unha cantidade especificada.
POR QUE?
Para incrementar a compartición, e por tanto a difusión, de obras de creación (ou outros contidos) e da cultura; para ter a liberdade de acceder a obras de creación sen ningunha suxeición a mecanismos de control, con miras a lograr un equilibrio entre os dereitos dxs autorxs e outrxs titulares de dereitos e o dereito universal á ciencia e a cultura.