O 29 de Febreiro de 2020 o Goberno de Estados Unidos asinou co Talibán o acordo de Doha1,co presunto obxectivo de levar a paz a Afganistán. O Talibán finalmente non respectou a totalidade do devandito acordo, facendo fuxir ao anterior goberno afgán e tomando o poder absoluto no país asiático.
Despois da vergoñosa fuxida, como a de Saigón na década dos 70, protagonizada polas potencias occidentais, queda patente o medo desatado na poboación afgá que a impulsa a fuxir aterrorizada por todas as fronteiras posibles2. A pesar de que o Talibán prometera amnístia xeral3 e respectar os dereitos das mulleres, o certo é que a poboación non acabou de creloe, co paso das semanas, demostrouse que só era propaganda4.
A famosa resistencia do Valle do Panjshir quedou esnaquizada nas últimas semanas5. Isto deixa a Afghanistan con dúas duras realidades: asumir que o Talibán veu para quedar e que toca loitar por conseguir os dereitos con eles en fronte. O novo goberno anunciado polo Talibán, está 100% composto por homes. Apenas unha pequena porcentaxe é de etnia non Pashtun (os talibán compóñense maioritariamente desta etnia). Aínda que para a comunidade internacional manteñen un perfil baixo, a represión segue tendo lugar fóra do alcance das cámaras de Kabul6, como cando, usando como pretexto a falta de infraestruturas, impediron volver ás nenas ás aulas de secundaria7.
Segundo unha análise recente do Programa das Nacións Unidas para o Desenvolvemento (PNUD), para o ano próximo produciríase unha caída do PIB de entre o 10 e o 13% que podería levar a Afganistán ao bordo da pobreza universal, elevando a taxa de pobreza ata un 97%. Ante esta situación, os estados deben asumir a súa responsabilidade, non dar lexitimidade ao novo goberno mentres non se apoien programas de axuda que procuren combater a pobreza e habilítense corredores humanitarios para xs refugiadxs.
A solución definitiva para Afganistan, en palabras dunha activista do Grupo Revolucionario de Mulleres de Afganistán ( RAWA), é: “un goberno secular e democrático”8 e como cidadanía debemos apoiar esa solución de futuro sen esquecer a urxencia do presente, presionando aos nosos gobernos para que actúen e apoiando programas de axuda nos diferentes ámbitos.
1 https://www.state.gov/wp-content/uploads/2020/02/Agreement-For-Bringing-Peace-to-Afghanistan-02.29.20.pdf 2 https://www.youtube.com/watch?v=TgjPPLeLNdM&t=12s 3 https://www.efe.com/efe/espana/mundo/los-talibanes-declaran-una-amnistia-general-tras-conquistar-afganistan/10001-4610168 4 https://www.bbc.com/mundo/noticias-internacional-58608977 5 https://www.clarin.com/mundo/valle-panjshir-taliban-dicen-controlar-afganistan-resistencia-niega_0_eaLYhweSj.html 6 https://www.efe.com/efe/espana/mundo/la-resistencia-denuncia-el-desplazamiento-de-miles-afganos-en-panjshir/10001-4626802 7 https://www.antena3.com/noticias/mundo/gobierno-talibanes-estara-compuesto-solo-hombres_202109216149d8216f9db70001d26877.html 8 https://latinta.com.ar/2021/08/rawa-afganistan-gobierno/
Interésache: