Difunde

“A sobreextracción, a drenaxe de zonas húmidas e pantanos, a deforestación, moitos proxectos de irrigación e terras mal drenadas, as filtracións de pesticidas e fertilizantes, a contaminación por verteduras da industria e dos fogares que non foron tratadas axeitadamente ou que non foron tratadas en absoluto, a construción xeneralizada de grandes encoros, a crecente explotación dos acuíferos subterráneos, a canalización das vías navegables, os plans de transferencia de auga entre as bacías e os estragos do cambio climático inducidos polos … Ler máis

Nos últimos meses o movemento Extinction Rebellion protagoniza actos de desobediencia civil non-violenta en todo o mundo1,2 , principalmente no Reino Unido, co fin de acadar un cambio radical na xestión das políticas medioambientais do planeta. Procúrase minimizar o risco da extinción humana e o colapso ecolóxico3. Este movemento, xurdido en Londres a finais do ano 2018 e que cada día se espalla por máis estados, organízase en grupos reducidos, de carácter participativo, descentralizado e inclusivo. Extinction Rebellion baséase nunha … Ler máis

O pasado 11 de Abril de 2019, Julian Assange foi arrestado pola policía británica na embaixada de Ecuador en Londres1, onde era acollido tras a concesión da nacionalidade ecuatoriana (agora denegada) por parte do anterior goberno daquel país. Está acusado de violar a liberdade provisional que lle fora concedida no ano 20122. Ademais, existe unha petición de extradición emitida polas autoridades estadounidenses (país onde incluso podería chegar a ser executado3)4. A ONU confirma que a detención de Assange foi ilegal5. … Ler máis

En todo o planeta, mais en especial nos países empobrecidos, a calidade de vida das persoas do rural empeora cada día. O modelo neoliberal impide que xs agricultorxs poidan desenvolver unha economía básica posto que esnaquiza o campo e fai inviábel a subsistencia de minifundios cultivados de forma tradicional e artesanal. Este modelo, que só entende o agro como un recurso que explotar, é unha das causas principais do cambio climático, dificultando a agricultura sustentábel, provocando a despoboación e o … Ler máis

O día 14 de marzo o Parlamento Europeo desbotou —con escasa marxe— reiniciar  as negociacións de libre comercio entre a UE e EEUU, que poderían desembocar nun novo Tratado Transatlántico para o Comercio e o Investimento (Transatlantic Trade and Investment Partnership, polas súas siglas en inglés). Como consecuencia da aprobación da emenda 27, que pedía “non apoiar as directrices para a negociación na súa forma actual”, a maioría do Parlamento rexeitou finalmente aprobar unha resolución que autorizase o inicio das … Ler máis

O día 25 de xaneiro, en Brumadinho, municipio de Minas Gerais (Brasil), rompeu unha das represas de residuos dunha mina de ferro propiedade da empresa Vale1. Este accidente supuxo a morte de, canto menos, 197 persoas, e 111 máis desaparecidas2, a maioría das cales eran traballadoras da mina. Os lodos derivados da rotura asolagaron o Río Paraopeba, un dos afluentes do São Francisco, co conseguinte impacto ambiental nas especies que nel habitan3. A responsabilidade por esta nova traxedia humana e … Ler máis

O movemento #FridaysForFuture1 vén convocando en todo o planeta manifestacións, protestas e concentracións de estudantes todos os venres dende finais do 2018, que culminarán o 15 de marzo2 cunha folga estudantil mundial para esixir á clase política accións contundentes que revertan o cambio climático Este movemento colleu especial pulo tras o discurso que a estudante e activista sueca Greta Thunberg deu o 12 de decembro de 2018 ante o COP24 (Cumio sobre o Cambio Climático das Nacións Unidas)3. Dende ese … Ler máis

O pasado 1  de febreiro,  o Goberno dos EEUU decidiu romper unilateralmente o Tratado de Forzas Nucleares de Alcance Intermedio (INF polas súas siglas en inglés), asinado en 1987 entre EEUU e a URSS. Un día despois do anuncio de Trump, o presidente da Federación Rusa, Vladimir Putin, anunciou tamén a retirada deste país do devandito tratado. A sinatura deste documento data do 8 de novembro de 1987, cando o presidente dos EUA, Ronald Reagan, e o secretario xeral do … Ler máis

O pasado 15 de Decembro fechou a XXIV Conferencia dos países membros da Convención-marco de Nacións Unidas sobre o Cambio Climático (COP24) que volveu desbotar unha nova oportunidade para poder facer fronte de xeito efectivo ao incremento progresivo da temperatura global. A COP24 caracterizouse pola escasa ambición dos estados para poder desenvolver as medidas necesarias que permitan acadar a redución de emisións comprometidas no Acordo de París. Especialmente hai que destacar a forte presión do lobby do carbón, así como … Ler máis

O pasado 30 de novembro e 1 de decembro tivo lugar en Arxentina o 12º Cumio do G20 que reúne aos/ás líderes das principais economías do mundo e da Unión Europea, ademais de 14 organizacións internacionais. Á súa vez tivo lugar a Semana de Acción contra o G20 e o FMI, que transcorreu entre o 25 de novembro e o 1 de decembro, co obxectivo de denunciar as políticas neoliberais que promoven estes dous organismos. O G20 confórmano 19 países … Ler máis