SEXTO PASO: A EMANCIPACIÓN COMO RESPONSABILIDADE INDIVIDUAL

O pasado venres día 8 de Decembro tivo lugar o sexto paso deste camiño que vimos de percorrer nas Xornadas Comunicación, Poder e Contrapoder. Nesta ocasión démonos cita no Espace Martin-Luther-King, na cidade de Montpellier, onde, a través da súa experiencia, Philippe Corcuff fixo unha análise dos medios na actualidade e a parte que nos toca para acadar a emancipación.

A través da súa charla “Crítica dos media e emancipación no mundo actual”, Philippe introduciunos na análise clásica dos media que só responsabiliza aos medios de masas e poderes facticos. Partindo desta crítica Philippe defendeu a necesidade de fuxir da autocomplacencia cara a críticas que responsabilicen de forma directa á cidadanía, para evitar a pasividade dx receptor/a da información.

Con esta palestra achegámonos ao final destas Xornadas Comunicación, Poder e Contrapoder, que despois de pasar por Santiago de Compostela, A Coruña, Vigo e Montpellier, parten a Montreal onde nunhas horas terá lugar a palestra “Manipulando a rede. Historias de censura e seguridade defensiva” onde nos acompañará Dmitri Vitaliev que analizará a relación entre comunicación e internet. Vémonos!