Author Archives: raven

En outubro de 2020, en plena convulsión social e política, estreouse “O xuízo dos 7 de Chicago”, un filme que rapidamente destacou para a crítica e que contou con seis nominacións aos premios Óscar, incluída a mellor película. O realizador Aaron Sorkin, recolleu o testemuño dun proxecto que Steven Spielberg concibira máis dunha década antes e construíu unha alegoría trepidante sobre a xustiza e a disidencia nunha América dividida. A película, con Sacha Baron Cohen, Eddie Redmayne, Yahya Abdul-Mateen II, … Ler máis

A folga é un instrumento de presión da clase traballadora tan antigo como a propia explotación laboral. A interrupción colectiva e temporal da actividade produtiva decidida polxs traballadorxs co fin de reivindicar mellores condicións laborais ou manifestar unha protesta fronte á empresa, é un mecanismo normalizado xa no imaxinario social colectivo. A historia da folga é unha crónica da loita da clase obreira pola súa dignidade, polos seus dereitos e por unha sociedade máis xusta. A primeira folga documentada da … Ler máis

O 12 de agosto de 1975, fai hoxe 51 anos, o réxime fascista, xa en agonía pero tan sanguinario coma sempre, asasinaba a sangue frío unha das conciencias máis lúcidas da clase obreira galega. Franco morrería meses despois, pero Moncho Reboiras non chegaría a velo. Non pediu clemencia nin se agochou: enfrontou a ditadura coa ferramenta da organización sindical. A súa verdadeira subversión, alén da lenda armada, foi tecer o Sindicato Obreiro Galego (SOG) , embrión da actual CIG, unha … Ler máis

A crise económica arxentina de 2001 froito de dúas décadas de neoliberalismo salvaxe deixou ao país en ruínas. Desmantelouse o tecido industrial e privatizáronse empresas públicas. O corralito financeiro conxelou as contas, a fuga de capitais superou os 40.000 millóns de dólares e as fábricas pecharon as súas portas nunha sucesión de despedimentos masivos empobrecendo á poboación. Neste contexto de crise e corrupción política dase tamén unha vaga de solidariedade na que persoas traballadoras de diferentes fábricas e empresas deciden … Ler máis

As barricadas foron e son un elemento recorrente nos conflitos urbanos. É importante coñecer a súa orixe e o seu desenvolvemento para comprender a súa función histórica e actual. A barricada naceu en París no ano 1588 durante a Xornada das Barricadas, un episodio da oitava guerra de relixión en Francia. Os parisienses empregaron barricas (bocois) cheas de terra e pedras para bloquear as rúas e defendérense das tropas do rei Henrique III. Este sistema construtivo deu nome ao obxecto … Ler máis

O filme “Diaz: Non limpedes este sangue” (2012), dirixido por Daniele Vicari, reconstrúe un episodio clave da memoria política recente europea: a represión policial durante o cumio do G8 en Xénova. Trátase dunha obra centrada na violencia institucional e na ocultación dos feitos ocorridos na Escola Armando Díaz. O contexto histórico sitúase en xullo de 2001, durante a contracime do G8 en Xénova, cando milleiros de persoas mobilizáronse contra o modelo neoliberal global. O asalto á escola na noite do … Ler máis

O termo “fascismo” emprégase a miúdo de maneira xeral para describir comportamentos autoritarios, mais o seu significado académico require distinguir tres acepcións fundamentais. En primeiro lugar, refírese ao fenómeno histórico italiano; en segundo lugar, aos réximes autoritarios europeos do período de entreguerras; e, en terceiro lugar, a unha categoría analítica do autoritarismo aplicable a contextos máis amplos. Esta diferenciación é clave para evitar usos imprecisos do concepto. A primeira acepción identifica o fascismo co movemento político encabezado por Benito Mussolini … Ler máis

Estamos a iniciar un proceso de análise en ECOAR))) a través do que esperamos poder ter claras as principais liñas sobre as que se vai construír o proxecto durante a vindeira década. Para poder levar adiante este proceso gustaríanos poder contar co maior número de voces e olladas. E aí entras ti!! Por que é importante que participes? Pois porque cremos fondamente en que cada un e cada unha de nós achega unha ollada que non temos o resto. Porque … Ler máis

A canción “Bella Ciao” é un himno popular italiano de autoría anónima, transmitido durante anos a través da tradición oral nas rexións do norte de Italia. A súa orixe exacta é incerta, mais converteuse nun símbolo cultural da resistencia antifascista amplamente recoñecido a nivel internacional. As primeiras raíces poden situarse na segunda metade do século XIX, vinculadas ás “mondine”, traballadoras dos arrozais do Val do Po. Estas mulleres empregaban cantos de protesta para denunciar as duras condicións laborais: xornadas extenuantes, … Ler máis

O termo “fascismo” provén do latín “fasces”, que designaba na antiga Roma un feixe de varas atado ao redor dunha machada. Este símbolo representaba a autoridade e o poder dos maxistrados para castigar a cidadanía, así como a forza que nace da unidade: unha vara rómpese con facilidade, pero un feixe de varas resulta inquebrantábel. O italiano “fascio” (feixe) deu nome aos “Fasci di Combattimento” que Benito Mussolini fundou en Milán o 23 de marzo de 1919, recuperando deliberadamente ese … Ler máis